பாராவின் *50 நாள் மொழி விளையாட்டு* - 2
நாட்குறிப்பு 21/50 - முதல் அத்தியாயம் எனது அலுவலகம் இருப்பது நகரின் மையத்தில். எதிரில் கப்பன் பூங்கா , அடுத்த தெருவில் சட்டமன்றக் கட்டிடம். பக்கவாட்டில் கிரிக்கெட் மைதானம், MG ரோடு, சர்ச் ஸ்ட்ரீட். காலையில் எளிதில் தென்படும் காட்சி கல்யாண போட்டோஷூட். குறிப்பாக சர்ச் வீதியிலும் விதான் சௌதாவின் முன்னரும். கொஞ்சம் மேல்தட்டு என்றால் சர்ச் வீதி pub-முன் ஷூட். மிடில் கிளாஸ் என்றால் இன்றுபோல் விதான்சௌதா முன்னால் , பசவண்ணர் வெண்கலக் குதிரைச் சிலை தெரிய நடக்கும். தெரு விளக்குக் கம்பியில் மணமகன் ஒருகால் ஊன்றி நிற்க, பெண் சேலை நுனி பிடித்து நடந்து வர வேண்டும். முதல் மூன்று டேக் தோல்வியில் முடிந்தது. பையன் பொறுமை இழக்க ஆரம்பித்திருந்தார். போட்டோக்காரர்கள் விடுவதாக இல்லை , சிக்கலாகத் தெரிந்தது. நான்காவது டேக்கில் மணப்பெண்ணுக்கு முதலில் இருந்த சிரிப்பு இல்லை. நானும் வந்துவிட்டேன், ஷூட்டும் முடிந்திருக்கும் . நாட்குறிப்பு 22/50 ஒரு எறும்பாவது... சாயங்கால ரயில், மேடையில் மண்புழு போல் ஊர்ந்து வந்துகொண்டிருந்தது. என் போன்ற எறும்புகள் மனதினுள் தள்ளுமுள்ளிற்கு ஆயத்தமாகின. புழு...