பெருஞ்சொல்வெளியில் ஒரு சொல்
பெருஞ்சொல்வெளியில் ஒரு சொல் ----------------------------------------------- [1] அவன் Vestiges of Old Madras என்ற அப்புத்தகத்தை அந்தப் பொறியின் தட்டில் வைத்தான். ஆயிரம் பக்க புத்தகம் எளிதாய் அமரும் வகையில் அதன் தளம் இருந்தது. பூசிய கை வழுக்கும் வழுவழு பிளாஸ்டிக் தரை. அதன் பற்கள் என உள்பகுதியில் இரண்டடி நீளமான கத்தியின் முனை பளபளத்தது. அதன் கூர்முனையைப் பார்த்ததும் அவன் முன் பற்கள் கூசின. அதன் நெற்றியில் திரை இருந்தது. அதை அழுத்தும் முன், நூலைக் கையில் எடுத்து மீண்டும் ஒருமுறை பார்த்தான். எத்தனை கைகள் மாறி இங்கு வந்திருக்கும் என்று எண்ணினான். பழைய நூல்களை மொத்தமாக வாங்கி டிஜிட்டைஸ் செய்வது அவன் வேலை. ஒரு வரலாற்று செயற்கை நுண்ணறிவுக் கம்பெனியின் இரண்டாம் தரப் பணி. சுற்றி பொன்னிறத் தோரணத்தில் நடுவே புத்தகத்தின் பெயர் எழுதப் பட்டிருந்தது. 1640-1800 என்ற எண்கள் பற்றியே அவன் யோசித்தான். திறந்தும், மூடியும் அதன் முதுகு தளர்ந்திருந்தது. ஆனால் பக்கங்கள் விரைத்து நின்றன. திறந்து ஒரு தாளை விரல்களுக்கு இடையில் வருடினான். சிறு முரசின் ஓசை எழுந்து ஓய்ந்தது. மீண்டும் அதைத் தட்டில் வைத்தான். தொட...
