ஓரிரு எண்ணங்கள் - Muthu Vishwanathan

பட்டதாரிகளின் சண்டமாருதம்- மெட்ராஸ் பேப்பர் கட்டுரை -------------------------------------------------------------------------- நேற்று அலுவலகத்தில் சுதந்திரதினக் கொண்டாட்டத்தின் பகுதியாக வேலை பார்க்கும் இடத்தை அலங்கரித்தார்கள். இந்தியாவின் நுழைவாயில் என்ற மையக் கருத்தென ஒரு குழுவின் அலங்கரிப்பு இருந்தது. நுழைவாயிலில் பறக்கும் கொடி, அதை நோக்கி இருந்த ஏவுகணைகள், விமானங்கள். இதன் நடுவில் இருந்த துப்பாக்கி ஏந்திய ராணுவ வீரர். சுதந்திரத்தின் படிமம் இவ்வாறு தான் நம்மில் பதிந்துள்ளது. அது இதுமட்டும் தானா?, உண்மையில் இந்தியாவின் வெளிநோக்கிய அந்த நுழைவாயில் கல்வி இல்லையா? அன்றும் இன்றும் பட்டம் என்பதும் டிகிரி என்பது நம்முடைய வாழ்வை திருப்பிப் போடுவதாக இருக்கிறது. படித்தால் வேலை கிடைக்காது என்ற ஒரு செய்தித் துணுக்கு இதை எழுத வைத்தது. பெங்களூரின் அஜீம் பிரேம்ஜி பல்கலைக்கழக ஆய்வுகளை ஒட்டி எழுதிய எனது கட்டுரை. இந்த வார மெட்ராஸ் பேப்பரில் வெளியாகியுள்ளது. https://madraspaper.com/unemployment-graduates/  

மொழிக்குருடும் தொண்ணூறாயிரம் சப்பாத்திகளும் ------------------------------------------------------------------- இன்று ஒரு நொடி இடைவெளியின்றி செய்திகள் 360 பாகையில் நம்மைத் துளைத்துக் கொண்டிருக்கிறது. நம் உறங்கும் போதும் இரவில் வந்து நமக்காய்த் தேங்கிக் கிடக்கின்றன. நாம் நாளெல்லாம் குறுஞ்செய்திகளில் பேசியபடி இருக்கிறோம்.  தகவல்களை வடிகட்டுவதும், தடுத்து நிறுத்துவதும், அவை கவனத்தைச் சிதறடிப்பதும் பேசப் படுகின்றன. ஆனால் ஐம்பது வருடம் முன்னர், செய்தித் தொடர்பும், சுதந்திர கால வெகுஜனத் தொடர்பும் எப்படி இருந்ததன என்பதை ஆராயும் எனது கட்டுரை. இக்குறிப்பை எழுதத் தூண்டியது இதில் இருந்த சில மனிதர்களின் கதைகள். இந்த வார மெட்ராஸ் பேப்பரில் வெளியாகியிருக்கிறது. https://madraspaper.com/indian-freedom-struggle/

நம் மரபில் தாய் வழிபாடு எங்கு ஆரம்பித்தது. இன்று நாம் காணும் இதன் எச்சங்கள் என்ன என்பதை ஆராயும் என் கட்டுரை - இந்த மெட்ராஸ் பேப்பர் இதழில் https://madraspaper.com/matriarchy-tamils/ 

ஊர் சுற்றி ஒழுக்கம் - மெட்ராஸ் பேப்பர் கட்டுரை பல வருடங்கள் முன்பு முதல் முறை வெளிநாடு சென்றது நினைவில் வந்தது. அன்றாடத்தை எப்படிச் சமாளிப்பது என்பதே கலவரத்தை உண்டு பண்ணியது. முதலாவது விமான நிலையம், அடுத்தது விமானம், போன்ற இடங்களில் கடைபிடிக்க வேண்டிய ஆசாரங்கள். பிராங்க்பர்ட் ஏர்போர்ட்டில் இந்தியா செல்லும் டெர்மினல்களை எளிதில் அடையாளம் காண முடியும். பைகளை இருக்கையில் வைத்து அமர்ந்திருப்பவர்கள் , உரக்கப் பேசுபவர்கள், ஓரத்தில் கீழே படுத்து பையை தலையடியில் வைத்து உறங்குபவர்களையும் பார்த்திருக்கிறேன். போர்டிங் துவங்கும் போது இருக்கை வரிசையாய்க் கூப்பிடுவார்கள். நம்மவர்கள் அதைக் காதில் வாங்க மாட்டார்கள். ஒரு வழியாக உள்ளேபோனால், நம்முடைய பை வைக்கும் இடம் களவு போயிருக்கும். நானும் இதையெல்லாம் இளவயதில் செய்திருக்கிறேன். சமைக்கும் போது ஸ்மோக்கிங் சென்சார் புகையடித்து தீயணைப்புத் துறை கதவை உடைத்து, நான் MTR புளியோதரை மிக்ஸ் கருக்கியதைப் பார்த்து ஆச்சர்யமானர்கள். 800 யூரோ தண்டம் போட்டார்கள். இதைப் பற்றிக் குழுவில் பேசும்போது, இது ஏற்கனவே நடந்திருக்கிறது. தீர்க்க வழியும் இருக்கிறது என்றார்கள். அத...

அன்றாடக் குறிப்புகள் - இன்பத்தைத் தேடிச் செல்லுதல். ----------------------------------------------------------------------- ஜெயமோகன் தளத்தில் மது வித்யை என்னும் ஒரு சொல் படித்து முடித்து காலை நாலரை மணிக்குக் பையனுடன் கால் பந்து மைதானத்திற்குப் புறப்பட்டேன். 'புது பிரெண்ட்ஸ் கிடச்சங்களாப்பா' என்று கேட்டேன். 'காலேல அஞ்சு மணிக்கு பேச்சு யாருக்கும் வாரதுப்பா' என்றான். கொஞ்ச நேரத்தில சிரிப்பாங்க , அப்போ கிளாஸ் முடிஞ்சுரும்.' உண்மைதான், அப்போது நான் பேசியதும் சம்பிரதாயமான பேச்சுத்தான் என்று தோன்றியது. மது வித்யை என்றால் தேனைத் தேடிச் செல்லும் வித்தை என்று பொருள். உடற்பயிற்சிக் கூடத்தின் கண்ணாடிக்கு வெளியே , மூன்றாவது மாடியில் சிறு பூந்தோட்டம் இருக்கிறது. கண்ணாடிக் கைபிடிச்சுவற்றையும் , உடற்பயிற்சிக் கூடத்தின் கண்ணாடிச் சுவரையும் இணைக்கும் இடத்தில் இரண்டடி அகல தொட்டி கட்டி,செம்மண் நிரப்பி ஓரம் முழுதும் பூச்செடிகள் இருக்கும். மஞ்சளும் சிவப்புமான முள்ளி மலர்கள். மேலே தெரியும் நீல வானம் கீழிருக்கும் நீச்சல் குளத்தில் இன்னும் துலங்கித் தெரியும். தொலைவில் தெரியும் வானை முட்...

நான் எழுதிய Get-set-go நிறுவனர் கனிகா தெக்ரிவால் பற்றிய கட்டுரை மெட்ராஸ் பேப்பரில் வெளியாகி இருக்கிறது. மரணத்தின் விளிம்பில் வாழ்வில் எல்லாம் அர்த்தப்பட்டுப் போகிறது என்பதைச் சொல்வது. ஆசிரியர் பா.ராகவனுக்கே நன்றி சொல்ல வேண்டும். எழுத்திலும் ஒரு ஒழுக்கம் இருக்கவேண்டும் என்பதை அவரிடமே கற்றேன்.  எழுதுவது விளையாட்டல்ல, ஆனால் செயல்முறை விளையாட்டைப் போல் இருக்கலாம் என்று காட்டியவர்.    https://madraspaper.com/jet-set-go/