Translate

இன்றைய தியானம்

-

இன்றைய தியானம்

--------------------------------



இன்று வழக்கம் போல சைக்கிள் இடது ப்ரேக் தேய்ந்தது. அதற்கு இதுவரை பத்து உறுப்பு மாற்றுச் சிகிச்சைகள் ஆகியிருக்கிறது. ஆகவே உடலில் எப்போதும் ஒட்டாது.

போய்ச் சரி செய்தால் ஒரு மாதம் தாக்குப் பிடிக்கும். அப்புறம் இது போல் ஒவ்வாமை.


சரி செய்ய மேலும் கீழும் 12 கிலோமீட்டர் போக வேண்டும்.

சைக்கிள் வேர்ல்ட் அம்மாள் , எப்பவும் போல 'புல் சர்வீசா ' என்று கேட்பார். இப்போதெல்லாம் சைக்கிள் சர்வீஸ் ஆயிரம் என்கிறார்கள்.


சர்வீஸ் வேண்டாம், ப்ரேக் மட்டும் வேலை என்பேன். சிறு வேலை என்றால் மெக்கானிக் பிசியாக இருப்பார். சிறு பிள்ளைகளின் அப்பாக்களிடம் போட்டியிட முடியாது.

வீடு காலி பண்ணி மனைவி சகிதம் , சைக்கிளை காரில் போட்டு வந்திருப்பார்கள். அப்பா பேபி சைக்கிளில் மணி கட்டுவது, துணைச் சக்கரம் மாட்டுவது, வாட்டர் பாட்டில் சொருகுவது போல் இப்படி இடம் திருவிழா போல் இருக்கும். நமக்கு ஹிந்தி வராது. பேசாமல் வேடிக்கை பார்த்து நிற்க வேண்டியது தான். 'பையா, தோடா காம் ஹை..கித்னி பார் போல்த்திஹு' என்று சொல்லியோ, அம்மாளிடம் எஸ்கலேட் செய்து கவனத்தைப் பெற வேண்டும்.


அப்போது அவர் வந்து ப்ரேக் பேட் போச்சு என்பாரோ, வயர் போச்சு என்பாரோ, ப்ரேக் செட் போச்சு என்பாரோ அவர் மனநிலையைப் பொறுத்தது. இதனால் நேரம் போனாலும் எஸ்கலேட் செய்வதில்லை. போன முறை எழுநூறுக்கு பேட் மாற்றியாகி விட்டது.


அவருக்கு நல்ல மனது இருந்தால் வேகமாய் வேலை ஆகி விடும். சின்ன L கம்பியை சாவி போல் வைத்து ரெண்டு திருப்பு. இன்னொரு பெரிய L வைத்து இன்னும் சில இடங்களில் திருப்பு. அவ்வளவுதான், ப்ரேக் மூச்சுவிட ஆரம்பித்து விடும். அதற்கு முன் அது உடல் மட்டுமே. பிரேதம் போல் தொட்டாலும் பலன் இருக்காது. ஒரு சில வர்மப் புள்ளிகளில் அவர் தொட்டால் பிழைத்து மீண்டும் மூச்சு விடும். ஒவ்வோர் முறை சரி செய்த பின்னும், 'சே இதற்காகவா', இவ்வளவு தூரம் அழுத்தி வந்தோம் என்றிருக்கும். இதைக் கற்றுக் கொள்ள வேண்டும் என்று இருக்கும். பழைய யூ டியூப் பரிட்சைகள் தோல்வியில் முடிந்தது ஞாபகம் வரும்.


இந்த வர்மத் திருகை நாமே செய்தால் என்ன என்று தோன்றியது. இரண்டு L திருகிகள் தேடிப் பிடித்தேன். பத்து நிமிடம் போனது.


ப்ரேக் கம்பி எங்கிருந்து எங்கு போகிறது, எதைத் தொட்டால் எது நகர்கிறது என்று சாந்தமாய்ப் அமர்ந்து பார்த்தேன்.


டிஸ்க் ப்ரேக் , திருமாலின் திகிரி , பறவையின் மூக்கு போன்ற ஒரு கருப்புக் கிளிப்பில் இணைந்திருந்தது. அதற்குள் பேட் இருக்க வேண்டும். இதை வாங்கும் போது பார்த்திருக்கிறேன். மிகச் சிறிய குப்பை முறம் போன்று இருக்கும். சொரசொரப்பான இரும்பு உடம்பு. இது வயரை அழுத்தும் போது பறவையின் மூக்கு ப்ரேக் தட்டைக் கவ்விப் பிடிக்க வேண்டும். தட்டு போக்ஸ் கம்பிகளில் இணைந்திருந்தது. அதன் அழுத்தம் இறுதியில் டயரின் கழுத்தைப் பிடிக்கும்.


வயர் இழுத்தால் எல்லாம் சரியாய் நடப்பது போலத் தெரிந்தாலும், சிக்கல் தெரியவில்லை. இரண்டு முனைகளை இன்னும் இறுக்கிப் பார்த்தேன். ஒன்றும் பலன் இல்லை. இறுக்க வேறு இடங்கள் அங்கு இருப்பது போல் தெரியவில்லை. மெக்கானிக் எப்போதும் போக்ஸ் நடுவிலே எதையோ இறுக்குவது நினைவில் வந்தது. காசு போல் ஒரு தட்டு இருந்தது. நடு நெற்றியில் வைத்து இறுக்கினேன், நன்றாய் இறுகியது. இன்னும் நாலு முறையில் பிரேக்கிற்கு முழு உயிர் வந்தது.  


இப்போது சைக்கிளை மிதித்து மேல் காற்றில் அதே 12 கிமீ சும்மா போய் வந்தேன்.

Comments

Post a Comment

Popular posts from this blog

தோல் பாவைக்கூத்து- ஒளியின் கலை - 1

-
Image
தோல் பாவைக்கூத்து - ஒளியின் கலை  ============================== சில வாரங்கள் முன்னர் இப்போது நாங்கள்  குடியிருக்கும் வளாகத்தில் ஆச்சரியப்  படவைக்கும் வகையில் தோல் பாவைக் கூத்து ஒன்றை ஏற்பாடு செய்தார்கள். குழந்தைகளுக்கு கட்டணம் இல்லாமல், பெரியவர்களுக்கு சினிமாக் கட்டணத்தை விட குறைவாக நுழைவுக் கட்டணம். புகழ் பெற்ற தோல்பாவைக் கூத்துக் கலைஞர் பத்மஸ்ரீ .திரு ராமச்சந்திர புலவர் குழுவுடன் இதை நடத்துகிறார் என்று படித்தேன். அவருடைய விக்கி பக்கத்தை மேலோட்டமாகப் பார்த்து, தமிழ் விக்கியின் தோல்பாவைக் கூத்துப் பக்கங்களையும் மேலோட்டமாய் கடைசி நேரத்தில் படித்துப் பின்னர் , அந்த இரண்டு மணி நிகழ்வை பார்த்து முடித்து , இன்னும் ஆர்வம் மேலெழுந்து , அ.கா.பெருமாள் அவர்களின் தென்னிந்தியாவில் தோல்பாவைக் கூத்து என்ற நூலையும், அதற்குப் பின் அவர் கொடுத்த குறிப்பின் வழியே Stuart Blackburn எழுதிய Inside the Drama House என்ற புத்தகத்தையும் படித்து, இன்னும் சில இணையப் பக்கங்களை மேய்ந்து, காணொளி சில பார்த்து முடித்து , இதை தொகுத்து  எழுதி வைக்க ஆர்வம் வந்து பின் வரும் சொற்களை எழுதுகிறேன். ராமச...
Read more

பாராவின் எழுத்துப் பட்டறை - அனுபவக் குறிப்புகள் -1 - பாரா என்ற கதைசொல்லி

-
Image
ஒரு பெரிய எழுத்தாளர் வகுப்பு எடுப்பது அரிது. அதிலும் எப்படி எழுதுவது என்று அவர் சொல்வது. எட்டு நாட்களில் இருபத்திநாலு மணி நேரமாக. நாளுக்கு மூன்று மணி. பத்துப்பேர் இருந்த வகுப்பு.  அதனால் முடிகையில் அவரே எல்லோரையும் பேர் சொல்லிக் கூப்பிடும்படி தனி வகுப்பாக ஆகிவிட்டது.எனக்கும் ஒரு எழுத்தாளரிடம் நீண்ட நேரம் அருகில் இருக்கமுடிந்தது இப்போது மட்டுமே. அவர் எழுதும் அறையில் இருந்து வகுப்பை எடுத்தார் என நினைத்தேன். இருக்கையின் பின்னால்  ரமணரின் படம். 'நீ என்ன செய்தாலும் உலகில் ஒன்னும் ஆகாது, எனவே தைரியமாய்ச் செய்'  சத்வ குணமுள்ள சிற்பமாய் அந்தப் படம். அதன் பின்னால் எதோ ஒரு சித்தர்.  எப்போதாவது பாட்டில் திறந்து நீர் குடிப்பார் , ரெண்டு நிமிஷம் என்று என்றாவது எழுந்து செல்லும் இடைவெளி. மற்றபடி கதை ,கதை பெரிய கதை சொல்லி என்று முதல் வகுப்பில் முடிவு செய்தேன். சொல்லிய புத்தகத்தை திடீரென எழுந்து எடுத்துக் காண்பித்தார் (எளிய தமிழ் இலக்கணம்). குறிப்பு எடுப்பது முக்கியம் என்று தன்னுடைய டயரிக் குறிப்பை திறந்து காண்பித்தார். தினமும் ரமணரை வணங்கி வகுப்பு ஆரம்பிக்கும். 'கலை என்பது வெளிப்பாட...
Read more

தோல் பாவைக்கூத்து- ஒளியின் கலை, ஆவணப் படுத்துதல் - 2

-
Image
தோல் பாவைக்கூத்து- ஒளியின் கலை, ஆவணப் படுத்துதல்   - 2 (  தோல் பாவைக்கூத்து- ஒளியின் கலை - 1  ) இன்றைக்கு இந்தியாவிற்கும் அமெரிக்காவிற்கும் மேல்மட்டத்தில் பேசப்படும் உருட்டல் மிரட்டல்கள் நடுவில் Stuart Blackburn போன்ற ஒருவரை தெரிந்து கொண்டால் அடிமட்டத்தில், ஆழத்தில் என்ன நிகழ முடியும் என்று தெரியும். இவர் அமெரிக்காவில் பிறந்தவர், 1984ல் முதலில் கேரளத்தில் தோல்பாவைக் கூத்து நிகழ்வொன்றைப் பார்க்க வருகிறார். அப்போது அடுத்த பத்து வருடங்கள் அந்த ஆராய்ச்சி தன்னை இழுத்துக் கொள்ளும் என்று தெரியாது என்கிறார். 1970ல் இருந்தே நாட்டார் கலை ஆராய்ச்சிக்காக தமிழகம் வந்திருக்கிறார்.  இந்தப் புத்தகம் ஒரு நாவல் போல விரிகிறது. இந்த நாட்டார் கலையைத் இவர் பார்வையில் விரிகிறது.  இவர் பார்க்கப்போகும் முதல் நிகழ்வுக்கு புகழ்பெற்ற பாவைக் கலைஞர் கிருஷ்ணன் குட்டியுடன் டாக்ஸியில் சுகவரம் என்னும் ஊருக்கு செல்வதில் ஆரம்பிக்கிறது.இது இரவில் மட்டுமே நடப்பது, எத்தனை இரவு கண்முழிக்க வேண்டுமோ என்ற நினைப்பு இவருக்கு. பகவதி கோயிலின் அருகில் இருக்கும் கூத்து மாடம் இவருக்கு பெரிதாகப் படவில்லை. ...
Read more