ஓரிரு எண்ணங்கள் - Muthu Vishwanathan

மேதி கன்று உள்ளிக் கனைப்பச் சோர்ந்த பால்  நேற்று வண்டியில் வேலைக்குச் செல்லும்பபோது ஒரு காட்சி. நல்ல கூட்ட மிகுதியான அகரா சிக்னல் தாண்டி U டர்ன் எடுக்கும் இடத்தில் எப்பவும் விட அதிக நெரிசல். நெரிசலான ஒரு சிக்னலைக் கடந்து இன்னொரு நெரிசலை நோக்கிப் போகும் வழியில் நெரிசல் . இங்கு எதிர் திசையில் வருவார்கள், இரண்டு திசைகளிலும் U டர்ன் செய்வார்கள்,  ஒரு பெரிய BMTC பேருந்து U டர்ன் செய்ய முடியாமல் நின்று கொண்டிருந்தது வெகு நேரமாய். எல்லோரும் ஒரு மாதிரி முடிந்த வரை நகர்ந்து கொண்டிருந்தார்கள். நானும் அவ்வாறு அருகில் வந்தததும் தான் இந்த ஸ்பெஷல் நெருக்கடி விஷயம் புரிந்தது. ஒரு தாய்ப் பசு அப்படியே U டர்ன் போடுமிடத்தில் நின்றுகொண்டிருந்தது விஷேஷமில்லை. அதன் மடியில் இளம் கன்று பால் குடித்துக் கொண்டிருந்தது. இரண்டு கால்கள் பின்னால் இழுத்து முட்டி முட்டி உறிஞ்சிக் குடித்தபடி இருந்தது. நடத்துனர் கீழே இறங்கி விரட்டிப் பார்த்தார். டிரைவர் மேலே இருந்து சிரித்தார். யாருக்கும் அது அசைந்து கொடுக்கவில்லை. அன்னை ஓரடி அசைய மறுத்தாள். கன்று யார் தள்ளுக்கும் விடவில்லை. எனது தாத்தா மாடுகள் பராமரிப்பவர...

கடந்த சில தினங்களாக கம்ப ராமாயணம் வாசிக்கும் ஒரு குழுவின் வழியாக ராமாயணப் பாடல்கள் வாசித்துக் கொண்டிருக்கிறேன். வாரம் ஒரு முறை சில பாடல்கள். இப்போது மீண்டும் இரண்டாவது முறை ஆரம்பித்துள்ளது என்கிறார்கள். ஒரு வாரத்தில் பத்துப்  பாடல்கள் என்றால் படித்து முடிக்க இருபது வருடங்கள் என்று ஒரு சிலர் பேசிக்கொண்டார்கள். நமக்கு வேலை ஒய்வு வந்திருக்கும் , இப்பிறவி  வாழ்வில் ஓய்வு கிடைத்திருக்குமா என்று தெரியவில்லை. ஆகவே இதைக் கடந்து போய்ப்பார்க்கலாம் என்று சிலபஸில் வராததை படித்துப் பார்க்கிறேன். இதன் முன் நாய் நுகர்வது போல் அங்கங்கு வாடை பிடித்துப் போய் கொஞ்சம் படித்திருக்கிறேன். இம்முறையாவது உருப்படும் என நினைக்கிறேன். கம்பர் கவிதை எழுத அவையடக்கம் என்று ஏழு பாடல்கள் எழுதி வைத்திருக்கிறார். அதில் தான் எழுத வந்ததை ஒரு  பூனை 'ஓசை பெற்ற உயர் பாற்கடல் , முற்றவும் நக்குபு புக்கவும் ' என்று சொல்லிக்கொள்கிறார். படிப்பதற்கே நமக்கு இதற்கு மேலும் , இன்னமும்  'நீங்கலா அலகிலா விளையாட்டுடையவர் ' அருள் வேண்டும். விக்ரமாதித்யன் 'சங்கம் படித்திருந்தால் சீரிய கவிஞன் ஆகலாம் / சிலம்பு படித்திருந்த...

 Creatine Monohydrate ---------------------------- ஒருவாரமாக creatine என்ற ஒரு பௌடரை நீரில் பத்து கிராம் போட்டுக் குடித்து வருகிறேன். ஒரு சில வாரமாய் புத்தகம் படிக்கையில் முன்னை விட வெளிச்சம் தேவை இருக்கிறது. வரவேற்பறையில் நாற்காலியில் அமர்ந்து வலது புறம் இருந்து வரும் அறை வாசல் வெளிச்சத்தில் முன்பெல்லாம் படிக்க முடியும். முன்னைவிட சற்று அதிகமாக கான்ட்ராஸ்ட் வைக்க வேண்டியிருக்கிறது. ஒரு காலத்தில் நான் ஜீரோ கான்ட்ராஸ்ட் வைத்து வேலை பார்ப்பது வழக்கம். பக்கத்தில் வந்து நின்றாலும் திரையைப் படிக்க முடியாது. இன்றைய அடைமழை மேகம் கவ்வியது  போன்று இருக்கும். கண் இமை இரண்டும், எப்போதும் இல்லையென்றாலும் நாள்களில் சிலமுறை , பாரமாய் இருந்தது. மேலே தூக்கி வைத்தால் சிறு வலி. தசைகளை வலுக்கூட்டி உன்னிப்பாக பார்த்தால் வலி. அப்போது எழுத்துக்கள் தண்ணீர் தெளித்தது போல் ஆகி விடுகின்றன. கேரட்டுகள் குறைந்தது காரணம் என்று , அவைகளை அதிகம் சாப்பிட்டுப் பார்த்தேன். தலைகீழ் ஒரு சில நாள் நின்று பார்த்தேன். முன்பு பக்கத்தில் வைத்துப் படிக்க முடிந்த எழுத்துக்கள், இப்போது கண்ணை பின்னால் நிறுத்து என்கின்றன. கண...

 தாழ்வது, தாழ்வு இல் கனக் கரியான் கை...  நேற்று கிருபானந்த வாரியார் அவர்களின் பேச்சைக் கேட்டபடி வண்டியில் வீடு திரும்பிக் கொண்டிருந்தேன். வாரியார் சொன்ன கம்பனின் ஒரு உவமை  தலையில் இருந்தது. கற்பனை செய்து பார்க்கவே கிளர்ச்சியாய் இருந்தது. வாமனன் மூன்றடி மண் அளக்க ஆரம்பித்து அவன் , முதலில் உயர்ந்தான். அவன் எப்படி உயர்ந்தான் ? 'உயர்ந்தவர்க்கு உதவிய உதவி ஒப்பவே' , உயர்ந்தவர் ஒருவருக்கு செய்த உதவி போல் வாமனன் உயர்ந்தான். இதைக் கேட்டு நான் வேள்விப் படலம் வாசித்துப், பின் அதை எழுத வந்த உந்தலை  எழுதும் முன் வாரியார் பேச்சு இப்போது இடையில் தடுக்கிறது. அதற்குள் போய் வெளியேறுவோம். இளையான்குடி மாறனார் கதையை சொல்லிக்கொண்டு வந்தார். பேசும்போது சிவனடியார்களுக்கு விருந்தோம்புவது வந்தது. மாறனார் வீட்டு சமையலை அப்படி விவரித்தார். பலாப்பழ பாயாசம், அன்னாச்சிப் பழ மோர்க்குழம்பு பின்னர் வாழ்வில் வறியவரானதும் கேப்பைக் களி , காசினிக் கீரை கூட்டு. புளித்த கீரை என்பார்கள், கீரையை மசித்து பெருங்காயமிட்ட தாளிதம் , இதற்குப் புளி கூட தேவையில்லை என்றார். கொஞ்சம் விழுதாக இருக்கும் என்றார், களிக்கு ...

அலுவலகத்தில் வரம் கேட்டல் கீழிருந்து மேலே  வேண்டியது ஒன்று  கேட்டதும்  ஒன்று    அவருக்கு மேலே  வேண்டியது ஒன்று  கேட்டது மூன்று  அவர் அவருக்கு மேலே  வேண்டியது இரண்டு  கேட்பது இரண்டு   அவர் அவர் அவருக்கு மேலே  இருப்பதையும் திரும்பக் கொடுக்க முடியுமா?  இது தலை போகும் வேலையா ? எதாவது கடன் வாங்கிச் செய்ய முடியுமா? சரி மீண்டும் பார்க்கலாம் மீண்டும் கீழிருந்து மேலே  சரி இப்போது வேண்டியது ஒன்று  கேட்பது இரண்டு  யாவர்க்குமாம் ஓர் கைப்பிடி டம்ளர் தட்டு கரண்டி கிண்ணம் மேலே குறுக்கி  கீழே கூம்பாக்கு அடிக்  கனத்தை சற்று  ஏற்று சுற்றளவைச் சிறிதேனும் குறை குழியைக் கொஞ்சம் மேடாக்கு வட்டமானால் சிறிதாய் அழகாய் ஆகுமா திடமானதை இன்னும் தளர விடு தளர்ந்ததை சற்றேனும் நீராக்கு எதையும் பூப்போல்  நெகிழ்வாய் ஆக்கு  சிறிய கை உடையவராய்  யாருக்கும் கொடுத்து அறியாதவரை   வேலைக்கு வை பாராமுகம் காட்டி நிற்பவராய் எதிரில் நிற்பவரை இரப்பவர் போல் கூசச்  செய்பவராய்  இருந்தால் நல்லது அடுத்த கிண்ணம் கேட்க...

டிராபிக் சிக்னல் கவிதைகள் -4  தவறில்லாமல் போதல் மிகத் தொலைவில் அடுத்த சிக்னல்  செல்லும் வழி நிற்கும்   வண்டிகளால் மௌனமாய் அடைபட்டிருக்கிறது  காலியாய் கிடந்த  எதிர்த் திசையில்  முதலில் நான் சென்றேன் என்னைத் தொடர்ந்தது இரண்டு வூலு வந்தது பின்னர் பல ஈருறுளிகள் முடிவில் இரு கார்கள் காவலர் அந்தப் பக்கம் திரும்பி  போனை காதில் வைத்தார்  தவறெல்லாம் சரியாகிப் போனது.      நட்சத்திரங்களும் பூக்களும்  எழுதியதை வைத்துக் கொண்டு  என்ன செய்வது என்று தெரியவில்லை யார் படித்தார்கள் என்று  மறுபடியும் பார்க்கிறேன் பின்னர் எழுந்து எழுதியதையெல்லாம்     சாளரத்திலன்  வழியே வானில் வீசினேன்  சில நட்சத்திரங்களாய் மேலே ஒட்டின  சில பூக்களாய் என் காலடியில் விழுந்தன டிராபிக் சிக்னல் கவிதைகள் -6 பறக்கும் ரயில் ஓட   இன்னும் சில வருடங்களெடுத்தால்தான் என்ன  பரவாயில்லை அதன் கீழே சாலையில்  மே மாத வெயிலில் நிழலிலேயே மெதுவாய் ஓரமாய் வண்டி ஓட்டலாம்  டிராபிக் சிக்னல் கவிதைகள் -7 இன்ஸ்டன்ட் டெலிவரி அந்த இன்ஸ்டன...

அடியின் அட்டவணை சரியாக மாலை ஆறு முப்பது எதோ ஒரு குட்டை கவுன் பெண் யாராவது இரண்டு பழைய வீரர்கள் சொல்லும் நேற்று அடியைப் பார் போனைத் திற இன்ஸ்டாவைத் துளாவு பேஸ் புக் என்னவென்று பார் வாட்சப் பார் ஒருமுறை மணி ஏழு இரண்டு வயதானவர்கள் அதே குட்டை கவுன் பெண் இன்றைய அடிக்கான திட்டங்களைப் பார்   கொஞ்சம் ndtv நியூஸ் 18 இந்தியா டுடே எக்ஸ்பிரஸ் பார் சிறிது இவை வழி ட்விட்டர் சென்று முடியும் பொழுது திரும்பி வா இடையில் ஆணுறை விளம்பரம் வந்தால்  தலை நிமிர்ந்து பார்  சிறிது    மணி ஏழு முப்பது அடி அடி இன்னும் அடி ஐயோ...எத்தனை கோடி ஏன் அடியில்லை போன முறை இங்கிருந்தாரே  ஏன் அவர் அங்கே  அங்கிருந்த இவர்  ஏன் இங்கே மட்டும் இப்படி  அடி அடி இன்னும் அடி தரையில் விடாதே வானில் மட்டுமே விடு மணி ஒன்பது இருபது ஏன் அடிக்கு அடி ஏன் அடிக்கு அடி மௌனம் இல்லையா மௌனம் இல்லையா மணி பதினொன்று இவரா அவரா இதுவா அதுவா இன்னும் தெரியவில்லை மணி பதினொன்று பத்து கடைசியாய் அட்டவணையைப் பார் கீழிறங்கியது மேலேற வழி என்ன என்று பார் மறக்காமல் நாளை என்ன என்று பார். டிராபிக் சிக்னல் கவிதைகள் -1 இன...